Pyetje: Selamu alejkum. Pyetja ime eshte per namazin e tesbihut. Si falet dhe sa ka vlere ky namaz? Ju kisha lutur per ndihmen tuaj.

Përgjigje:

Alejkumselam. Falenderimi i takon Allahut (azzevexhel), ndërsa salavatet dhe selamet qofshin mbi të Dërguarin tonë Muhamedin (salallahualejhiveselem), mbi familjen e tij të pastër, mbi shokët e tij besnik, si dhe mbi të gjithë ata që e pasuan dhe e pasojnë rrugën e tij deri në Ditën e Gjykimit.

Namazi i tesbihut dhe vlera e tij, është përmendur në një transmetim të Ebu Davudit dhe të Tirmidhiut. Në lidhje me këtë transmetim, dijetarët kanë ndryshuar mendimet e tyre. Disa prej e kanë ngritur atë në shkallë të hadithit të mirë, e disa e kanë llogaritur atë të dobët apo edhe të shpifur.

Mendimi më i saktë me të cilin e adhurojmë Allahun është se ky namaz nuk ka bazë dhe nuk është e pëlqyer falja e tij.

Imam Ahmedi tha: Nuk me pëlqen (falja e këtij namazi). Thanë: Pse? Tha: Sepse nuk ka në lidhje me të ndonjë transmetim të vërtetë. (El-Mugnij 91/438)

Imam Neveviu thotë: Hadithi i tij (namazit të tesbihut) është i dobët dhe në të ka ndryshim të rregullit të njohur të namazit, e nuk duhet të veprohet përveçse me hadith, ndërsa hadithi i tij nuk qëndron. (El-Mexhmu’ 3/547)

Thotë Shejhul Islam Ibn Tejmijeh: Për këtë namaz nuk ka thënë (që të falet) asnjë prej dijetarëve të medhhebeve, dhe Imam Ahmedi hadithin e këtij namazi e ka llogaritur të dobët dhe nuk e ka pëlqyer atë (mënyrë dhe falje të namazit). (Fetava – 11/579)

E sikur të ishte i sigurtë ky namaz, atëherë do të transmetohej falja e tij nga sahabet e Pejgamberit (salallahualejhiveselem). Por, përderisa nuk gjendet hadith i vërtetë dhe i sigurtë për faljen e tij, atëherë falja e tij nuk ka ndonjë shpërblim dhe meritë.

Allahu e di më së miri.

Omer Bajrami

15.09.2011

Comments (4)

Name

Comment

smaller | bigger

I have read and agree to the Terms of Usage.

Add Comment