Pyetje: Esselamu alejkum ue rahmetullahi ue berekatuhu. Hoxhe i nderuar Allahu te shperblefte per pergjigjet qe na ktheni. E kam nje pyetje: Une kam gati 43 vite dhe tani e kam vendosur nikabin, edhe me heret e kam pasur mbulesen, mirepo tani e kam vene nikabin. Eshte edhe nje moter e cila e ka rastin e njejte. Pyetja ime eshte: A eshte vone dhe a kemi shperblim tek Allahu per kete veprim? Dhe cka mund t’u themi atyre qe na kundershtojne dhe na thojne se tashme jeni te vjetra per nikab? Ma bani hallall.

Përgjigje:

Alejkumselam. Falenderimi i takon Allahut (azzevexhel), ndërsa salavatet dhe selamet qofshin mbi të Dërguarin tonë Muhamedin (salallahualejhiveselem), mbi familjen e tij të pastër, mbi shokët e tij besnik, si dhe mbi të gjithë ata që e pasuan dhe e pasojnë rrugën e tij deri në Ditën e Gjykimit.

Së pari: Mbulimi i fytyrës është obligim në fenë e Allahut. Në lidhje me këtë, lexo më gjërësisht: A është nikabi farz apo sunet? Dhe çdo obligim i Allahut duhet patjetër të zbatohet. E nëse nuk zbatohet një kohë, nuk don të thotë që të mos zbatohet asnjëherë. Sikur një njeri i cili nuk është falur katërdhjetë vite, nuk don të thotë që ai më mos të falet deri në vdekje, apo sikur një femër e cila ka qenë e zbuluar katërdhjetë vite, nuk don të thotë që ajo më mos të mbulohet asnjëherë..

Së dyti: Zbulimi i fytyrës para të huajve është mëkat ndaj Allahut. Dhe nëse keni qëndruar një kohë me fytyrë të zbuluar para të tjerëve, për këtë duhet të pendoheni tek Allahu dhe të kërkoni falje prej Tij.

Së treti: A keni shpërblim tek Allahu, për këtë hap që e keni marrur? Pa dyshim që keni shpërblim nëse veprimi juaj është i sinqertë vetëm për hirë të Allahut. Dhe vëndimi i nikabit në këtë kohë të fitneve dhe sprovave është një sakrificë e rrallë, të cilën pak prej motrave muslimane janë në gjendje ta realizojnë.

Së katërti: Atyre të cilët ju kundërshtojnë për zbatimin e urdhërit të Allahut dhe praktikimin e sunetit të të Dërguarit të Allahut, mos u kushtoni vëmendje shumë dhe mos u brengosni me fjalët e tyre. Ngase ata të cilët thonë se tashmë është vonë për nikab dhe ka kaluar koha e nikabit për ju, e kështu me rradhë.. ata nuk e bëjnë këtë, përveçse për shkak të injorancës që kanë ndaj fesë së Allahut, apo për shkak të xhelozisë që kanë ndaj asaj që e praktikon dikush tjetër, e që ata nuk janë në gjendje ta praktikojnë.

Allahu e di më së miri.

Omer Bajrami

02.06.2012

Comments (8)

Name

Comment

smaller | bigger

I have read and agree to the Terms of Usage.

Add Comment